江欣燕患甲狀腺亢進症成功戒酒 親解未能邀前男友張衞健做嘉賓原因

梅小惠同江欣燕呢日去薛家燕嘅電台節目宣傳新節目《友乜唔講得》，為咗呢個節目，呢對好閨密碌盡人情卡，搵唔少嘉賓上節目盡訴心中情。

梅小惠同江欣燕接受家燕姐嘅電台節目訪問
江欣燕連前男友張衞健（Dicky）都唔放過，笑指跟對方傾咗1粒鐘後，江欣燕就冇再說服Dicky，皆因孝順仔Dicky擔心影響年邁嘅母親；而梅小惠就感恩每位嘉賓嘅真誠對話，大家交談過程雞啄唔斷，譬如阿姐汪明荃提起肥姐沈殿霞、家燕姐講自己感情事等有唔少感動位。
欣欣指曾邀請分手後保持友好關係嘅張衛健擔任嘉賓

梅小惠接受訪問時，被家燕姐追問點解節目得45分鐘，但佢哋當日傾咗4粒鐘，梅小惠話節目要剪輯，只能插一啲精髓出嚟。呢日江欣燕親證患甲狀腺亢進症，指自己不時感覺好興奮、有時講嘢好快，整個人停唔到落嚟，夜晚又瞓唔到，佢用咗一年幾時間去調理身體，仲成功戒酒。

小惠指節目精益求精，將最好嘅片段公開