蔡少芬孖陳法蓉洪欣出遊赤柱打卡 網民大讚素顏魅力期待朱茵合體

蔡少芬（Ada）、陳法蓉（Monica）同洪欣幾位好姊妹識於微時，年輕時通過拍戲認識彼此，一齊走過那些年嘅歲月，互相經歷高山低谷，至今呢份友誼長達近25年情不變，之前3位仲同朱茵一齊參加內地節目訴說相識經過同難忘點滴，好多觀眾羨慕幾位好姊妹情比金堅嘅友誼。

蔡少芬、陳法蓉同洪欣幾位好姊妹識於微時，年輕時通過拍戲認識彼此，一齊走過那些年嘅歲月。
雖然各自為工作及家庭忙碌，但總會抽時間見面相聚，Ada、Monica同洪欣喺2月20日就一齊出動去赤柱遊玩，Ada上載多張合照紀錄呢個時刻「老友記，聚一聚」，大家均以素顏便服look出行，興奮喺赤柱大街及海邊岩石上擺出不同甫士打卡，幾位年代女性雖然經已登五有多，但外觀睇起嚟一啲都唔似，三孩之母Ada更嘟嘴又托腮影相展現童真表情。呢輯更吸引網友留言話啱啱先喺赤柱見到幾位，激讚佢哋嘅素顏魅力好似少女一樣。

三孩之母Ada嘟嘴又托腮影相，展現童真表情。
其實除咗Ada、Monica同洪欣老友之外，仲有朱茵，四朵金花不時會共聚，可惜今次就三缺一，所以網民追問點解唔見「紫霞仙子」朱茵，期待再見四美合體，希望佢哋友誼長存，繼續美麗。

蔡少芬、陳法蓉同洪欣呢份友誼長達近25年情不變，閒時亦相約見面。
此外，較早前Ada接受好友網上頻道訪談時，驚爆曾於2008年時險患乳癌經歷，透露同老公張晉結婚後發現自己身體多病纏身，有感愧對老公不禁痛哭，幸好一切都雨過天晴，現時夫妻育有三個小朋友，一家五口幸福愉快。

Ada、Monica同洪欣喺2月20日就一齊出動去赤柱遊玩，Ada上載多張合照紀錄呢個時刻「老友記，聚一聚」。三女均以素顏便服look出行，興奮喺赤柱大街及海邊岩石上擺出不同甫士打卡。網友留言激讚佢哋嘅素顏魅力好似少女一樣。網民有追問點解唔見「紫霞仙子」朱茵，期待再見四美合體。