瘋傳鹿晗關曉彤情斷去年底分手成熱搜話題雙方未作任何回應

2017年公開認愛嘅內地娛樂圈金童玉女鹿晗同關曉彤近日瘋傳去年底已經分手，雖然雙方都未作任何公開回應，不過網友就指出因為兩人迎期明顯減少互動，亦已久未再同框，認為傳聞並非空穴來風，話題更成為內地社交平台熱搜。

內地瘋傳鹿晗同關曉彤已分手
當年認愛後，每到生日準時12:00即時出Post祝賀嘅甜蜜，出騷必定捧場等，恩愛到盲嘅都睇得見，亦每每都成為網友討論話題，唯最近一直傳出兩人去年12月已分手，網上又有人言之鑿鑿指女方早於手機通話程式向朋友公佈分手消息，而早前鹿晗直播失控被封禁，就被認為係多年戀情破裂嘅後遺症。
網上更指鹿晗早前直播中暴走遭封禁，亦同分手情緒波動有關