林憶蓮深圳展開世界巡迴演唱會 沉浸式現場效果令觀眾盡享視聽

萬眾期待，林憶蓮世界巡迴演唱會喺22號晚於深圳灣體育中心正式展開首站演出，呢次亦係憶蓮繼2016年後再次踏足深圳舉行個唱。為咗今次巡迴演唱會嘅首場，整個團隊提前半個月於場館搭建舞台，不論舞台設計、燈光、音響及整個演出嘅編排，先後進行多次調試，力求做到盡善盡美。其實憶蓮喺深圳演唱會綵排嘅現場，亦成為歌迷驚喜之地，因為大家從場館外聽到憶蓮綵排嘅歌聲。

憶蓮同團隊早於半個月前就已經一直測試同綵排今次演出
今次巡演以「時光交錯」為主題，觀眾好似透過一把鑰匙去打開通往憶蓮音樂世界嘅時光之門，為咗營造沉浸式嘅視聽體驗，會場特別為每位觀眾座椅配備咗數碼螢光棒，隨著旋律緩緩展開，觀眾手中嘅螢光棒將整個體育場化作流動嘅星河。 

現場座無虛席，大會亦安排數碼螢光棒予歌迷
演唱會曲目編排就似一部跨越時空嘅音樂史詩，圍繞「崩壞、倒塌、重生」主題展開，舞台設計別具匠心，其中旋轉舞台成為一大亮點。當《傾斜》旋律響起，看似平靜嘅舞台開始奇妙變化。三個圓形舞台緩緩升起，如同從神秘世界中破土而出嘅巨物，而360度旋轉舞台，令憶蓮無論面向哪個方向，都能與觀眾進行親密地互動。

憶蓮於旋轉傾斜舞台上載歌載舞

憶蓮喺台上感激入場支持自己嘅上萬位觀眾：「謝謝今天晚上林憶蓮深圳迴響巡迴演唱會首場的在座的每一位你。今晚因為有你們，我們擁有美好的回憶。」當憶蓮完成歌單上嘅歌唱返回後台。面對觀眾熱情高呼encore叫聲中，憶蓮再現身台上來嚟 Encore 環節驚喜演出，佢獻唱一連串經典金曲《傷痕》《鏗鏘玫瑰》《夜太黑》《依然》《聽說愛情回來過》，掀起全場萬人大合唱。當《為你我受冷風吹》的旋律緩緩響起，憶蓮用佢極具感染力嘅嗓音，唱出無盡嘅深情與眷戀，將整場演唱會推向了最高潮，為首站演出劃上完美句號。

憶蓮整晚獻唱咗大量經典歌曲
畫面提供：索尼音樂