姚子羚傳戀徐偉棟譜姊弟戀 IG露蛛絲馬跡眼中只得妳一人

有傳媒報道指，姚子羚同曾於《狀王之王》中有合作嘅已故大俠徐少強之子徐偉棟低調拍拖。兩人被發現一同飲茶，之後並肩到超市買日用品再一齊返回Elaine寓所。報道形容Elaine同比佢年輕兩年嘅Edward，2022年於內地合演《狀至之王》時撻著，而翻查社交平台，兩人當時拍攝外景，不時會為拍攝留倆影嘅Edward，當時就為Elaine留低靚相。

姚子羚(左三)，同徐偉棟(右一)據指拍《狀王之王》時撻著

當時Edward已為Elaine影低唔少靚相

Edward係一代大俠徐少強之子，佢同妹妹徐穎堃都投身演藝界
其實除咗拍攝《狀》劇時有交流，早喺2023前年胡說八道成員喺美國舉行嘅演唱會，Edward就已於後台為Elaine拍攝靚相，更唯獨只Post Elaine一人，唔知係咪情人眼裡容不下其他人呢？佢哋又不時一齊現身老友嘅活動同飯局。而Elaine回應傳媒查詢時，就指對方係好男仔，又係傾得埋嘅朋友，直認有空間繼續發展。