楊千嬅與吳彥祖相隔20年再合作重拾方麗娟給區海文掟煲公仔

楊千嬅同吳彥祖分別喺自己嘅社交平台分享兩人合照，原來近日佢哋一齊接拍廣告，而呢對當年嘅螢幕CP極受觀眾歡迎，佢哋喺兩部《新紥師妹》系列電影中飾演方麗娟同區海文，戲中感情線至今仍然為人津津樂道，吳彥祖又擔任千嬅歌曲《飛女正傳》MV男主角嘅片段，同樣係觀眾集體回憶。

千嬅同吳彥祖嘅社交平台分享兩人合照，近日佢哋一齊接拍廣告。
今次兩人再度合照，喺合照中亦有彩蛋，就係佢哋拎住嘅公仔，就係方麗娟受上司壓力，要同區海文分手，方麗娟將定情公仔變成「分手禮物」。

千嬅同吳彥祖呢對當年嘅螢幕CP極受觀眾歡迎。
千嬅喺帖文寫「阿文，好耐冇見，今日夢幻般再相遇，相隔20多年，感覺依舊，顏值依舊，最開心的是看到你與家人過得幸福快樂。這次匆匆相遇，還有說不盡的話題，期待下次再見。」吳彥祖都有出帖文寫距離第一次合作已經過咗25年，有好多快樂時光同回憶，眨眼彼此已經係中學生嘅父母，時間過得好快。