與祥仔重遊30年前《西遊記》取景場地 麥包空肚品嚐世界名酒即醉

由麥長青、黎耀祥主持嘅旅遊節目《江湖見》即將於3月3號起於翡翠台播出，呢日佢哋一齊出席記招分享拍攝時嘅點滴，又透露其中一集佢哋會重返拍攝《西遊記》嘅取景場地。
黎耀祥、麥長青呢日出席佢哋主持嘅旅遊節目記者會。
祥仔話佢哋拍《西遊記》都已經係30年前嘅事，如今舊地重遊，去咗大理古城、洱海等地方，好多地方都變咗，所以麥包就話知感覺係既熟悉又陌生。佢哋又分享呢次拍攝睇到唔同地方嘅保育工作，好似去到貴州就睇到一個好清澈嘅湖水。
祥仔同麥包喺記招上分享拍攝嘅趣事。
節目以江湖做主題，帶大家去尋找喺現實中存在嘅武俠世界，又會遊覽祖國嘅大好河山，兩位雖然就玩得相當盡慶，但因為要趕唔同景點，搭車嘅時間好長，加上又要好早出發，所以相當攰呀！
3月3號《江湖見》
至於講到拍攝中最難忘嘅事，麥包就旅程中飲咗世界名酒，但由於呢個品酒環節安排咗喺上晝拍攝，加上空肚飲酒嘅關係，所以上晝拍完就醉咗喇。

《江湖見》3月3號起 逢星期一至五 22:30 翡翠台播出