61歲譚玉瑛跑樓梯不慎跌傷腳低調出院 黎芷珊探望曬老友素顏拎拐杖近照

61歲譚玉瑛早前跑樓梯，不慎跌傷腳入院，獲不少網民送上慰問，祝佢早日康復，譚玉瑛住院期間，一蚊Joe（游茛維）為恩師送上咖啡，而何基佑知譚玉瑛好杯中物，準備咗幾支靚酒去探望，黎芷珊噚日喺社交平台貼出與舊拍檔譚玉瑛嘅合照，原來譚玉瑛已出院！

61歲譚玉瑛早前跑樓梯，不慎跌傷腳入院，獲不少網民送上慰問。
譚玉瑛曾主持TVB兒童節目《430穿梭機》、《閃電傳真機》、《至NET小人類》、《放學ICU》，成為不少港人集體回憶，譚玉瑛近日喺社交網自爆入院，不少網民祝早日康復，昔日拍檔黎芷珊噚日亦抽時間去探望已出院嘅老友譚玉瑛，見譚玉瑛素顏拎住手肘拐杖，並戴上腿部固定支架，估計譚玉瑛仲要休息一段時間，而老友黎芷珊就祝佢「Speedy Recovery！（早日康復）」。

黎芷珊噚日喺社交平台貼出與舊拍檔譚玉瑛嘅合照，原來譚玉瑛已出院！何基佑知譚玉瑛好杯中物，準備咗幾支靚酒去探望。