LINGORM應邀巴黎參加時裝活動 情侶裝襯絕玲玲一筆過畫自畫像

因為GL劇《我們的秘密》爆紅嘅港產泰國演員 鄺玲玲 同 Orm 呢對螢幕情侶，自劇集播出後不斷有唔同廣告接拍，更環迴東南亞各地舉行多次唔同Fans活動，人氣爆晒棚。近日呢對CP更衝出亞洲，獲品牌邀請飛到巴黎出席時裝活動，認真威水。

鄺玲玲同拍檔Orm獲品牌邀請飛往巴黎出席活動

Orm同玲玲因為劇集《我們的秘密》爆紅
因為細佬餐廳名菜而曾被稱為「叉燒姐」嘅玲玲同Orm孖公仔飛抵巴黎，瞬即已出席唔同活動，除咗喺鐵塔下留影之外，亦訪問品牌嘅巴黎美術館，玲玲仲喺留言冊速畫自己肖像，一筆過完成最後更畫龍點晴加返一點佢左邊面嘅銷魂癦。
呢日齊齊以品牌同款服裝現身藝術館參觀

佢同Orm仲獲安排以同款唔同色系嘅情侶服裝同手袋現身，齊齊騷白滑美腿，襯絕之餘亦更突顯佢哋嘅CP情侶檔形象。

期間一直自拍打卡，仲獲大班Fans到場迎接