亞洲電影大獎｜卓越亞洲電影人大獎頒予張東健湯唯 兩實力派巨星月中來港領獎

第18屆亞洲電影大獎3月16號就會於西九文化區嘅戲曲中心舉行，屆時 TVB Plus 將獨家現場轉播盛事。繼早前公佈 木村光希 同 吳慷仁 將分別獲頒飛躍演員以及新世代獎之後，主辦單位再次宣佈，今屆「卓越亞洲電影人大獎」將頒予韓國「不老男神」張東健 以及氣質女神湯唯，佢哋到時亦將會來港出席典禮接受獎項。

張東健與香港電影業甚有淵源
從影逾三十載嘅張東健表示：「我感到非常榮幸，也很感謝亞洲電影大獎的肯定。三十多年的演員生涯能有這樣的認可，對我來說意義重大。」又坦言香港電影對佢有極大影響：「人生第一部在戲院看的電影就是成龍的《醉拳》。80年代上高中時，香港電影幾乎充滿了我的青春，尤其是黑幫電影對我影響特別深。」又特別提到《英雄本色》系列、《倩女幽魂》、《至尊無上》以及周星馳的喜劇：「那時候的香港電影百花齊放，真的是黃金時代，至今仍深刻留在我心中。」
佢又指非常欣賞梁朝偉，希望有機會可以合作

張東健其實早已同港產片結緣：「我曾在陳凱歌導演的《無極》與張柏芝、謝霆鋒合作，後來又在《危險關係》與張柏芝再次合作。」佢仲提到非常欣賞梁朝偉：「如果能和他合作，將會是我的榮幸，也一定會是很難忘的經歷。」
湯唯同樣與香港電影有非常密切關係

湯唯同樣獲頒「卓越亞洲電影人大獎」，仲指香港一直係佢嘅福地，曾喺香港生活同參與唔少港片嘅佢，相隔一年再度來港：「希望再有機會來香港工作，讓我可以 'improve' 我的廣東話，如果有香港的戲拍會很開心！」又自嘲廣東話仍有進步空間，同時流露對香港影壇嘅親切同期待，更笑指正等待香港導演各佢提出拍戲邀請呀。

仲笑言隨時歡迎各位香港導演邀請呀