陳法拉為張家輝新戲陷瘋癲狀態 周身瘀傷造型嚇壞家中兩老

張家輝執導及主演新作，揾嚟 陳法拉 劉俊謙、袁富華、朱晨麗等參與演出，戲中張家輝同陳法拉飾演一對恩愛夫妻，因一次投資嚴重失利，作出失誤嘅抉擇，人生開始墮入夢魘中。 法拉話拍攝過程尤如墮進深淵，每一場戲都沉浸喺陰暗鬱結嘅角色。

睇見法拉個樣就知故事中佢角色幾咁壓抑喇

首日開工嘅第一場戲，法拉嘅角色喺走投無路下，情緒激動跑向露台企跳。現場氣氛緊張，身處高樓嘅法拉，即使係排戲，現場每一位工作人員都戥佢緊張，當日法拉原來仲係帶病開工：「第一日開工嘅第一場已經情緒激動到難以收拾，仲要喺露台企跳，其實最初都擔心，又要痛哭，又要吊威吔，又要企跳，咁啱自己唔舒服適發燒，好彩最後大家喺充足準備下，只係拍咗三take就完成。
法拉首日開工第一場就要喺高樓露台拍企跳戲

法拉所演嘅角色由頭慘情到尾，瘋癲得嚟令人憐憫，即使拍到煞科仍瘋狂到底，要夜深喺街頭赤腳狂奔。雖然法拉所飾嘅角色下場悽慘，不過佢就苦笑指現實仲慘：「因為導演要我減肥；5至6磅，要戒食澱粉質、自己鍾意嘅食物，但期間適逢聖誕，我只可以望住家人食聖誕大餐，所以我覺得自己比紀慧玲更加淒涼！」
為呢部電影演出，法拉連續兩個多月港美兩邊飛，而為兩老了解工作情況，佢將自己戲中受傷造型相傳比父母，但媽媽竟然信以為真，更嚇到叫佢去醫院睇急症。而為免嚇親囡囡，法拉仲叮囑老公千萬唔好比相囡囡睇呀。
唔只開工第一日就已大挑戰，連煞科最後一場都要爆喊街頭狂奔

為人員媽咪嘅法拉抱住小演員聽導演兼主要持家輝指示

雖然電影尚未上映，不過已先後獲入圍多個影展，包括意大利烏甸尼遠東電影節、韓國富川國際奇幻電影節、西班牙錫切斯國際奇幻電影節全景單元、馬來西亞國際電影節、德國奇幻電影節、英國曼徹斯特Grimmfest電影節，以及巴黎詭奇電影節競賽單元！

完工一身鬆晒就可以掉低咁沉重嘅情緒喇