東張+

由王祖藍、阮兆祥及李思捷組成嘅「福祿壽」日前喺馬來西亞舉行演唱會，雖然距離上次喺當地開騷只有僅僅16個月，但3位「扮嘢王」叫座力依然驚人，全場座無虛席，當晚「福祿壽」一口氣模仿13位巨星演出，期間王祖藍特別演唱新歌，講起愛女更散發無限父愛，笑言冇諗過阿女竟然成為班上最高嘅小朋友。

王祖藍、李思捷、阮兆祥一口氣模仿13位巨星演出。
阮兆祥、李思捷、王祖藍三子模仿功力可謂爐火純青。

三子甫出場即獻唱一連串金曲《皆大歡喜》、《萬水千山總是情》、《世間始終你好》、《真的漢子》及《祝君好》等，雖然距離上次喺大馬開唱僅一年多，佢哋依舊火力全開，為答謝大馬熱情粉絲，三子模仿許冠傑、羅文、鄭少秋、PSY、鄭伊健、譚詠麟、張學友、郭富城等，功力可謂爐火純青。

三子甫出場即獻唱一連串金曲，雖然距離上次喺大馬開唱僅一年多，佢哋依舊火力全開。
早前曾發表「結束十年婚姻」之論嘅王祖藍，在席上再次表示：「這16個月以來，我經歷了一件人生大事，就是我的10年婚姻結束了。」此言一出，嚇得全場鴉雀無聲，隨後王祖藍補充：「因為我們的婚姻正式踏入第11年！」觀眾先鬆一口氣，現場歡呼聲不斷，身旁嘅阮兆祥與李思捷即話：「你真的嚇死大家了。」

有「愛妻號」之稱嘅王祖藍，特別唱為太太與女兒創作嘅新歌《宇宙之謎》。
有「愛妻號」之稱嘅王祖藍，特別唱為太太與女兒創作嘅新歌《宇宙之謎》，期間佢笑指冇諗過阿女竟然係全班最高嘅小朋友：「李亞男說她7歲時已經170公分，我想我到70歲都未必能長到170公分。」此言一出令全場爆笑。

早前成功瘦身嘅阮兆祥，坦言好開心能夠以歌手身份企喺台上。
早前成功瘦身嘅阮兆祥現場獻唱《你把我灌醉》及《二把》，佢坦言好開心能夠以歌手身份企喺台上：「因為這是我的初心所在, 也希望藉此機會跟大家分享與回顧我入行以來的心聲。」

有「愛妻號」之稱嘅王祖藍，笑指冇諗過阿女竟然係全班最高嘅小朋友。
身為張國榮忠實粉絲嘅李思捷，今次大馬騷特意演唱張國榮5首經典曲目串燒，佢更身穿粉色閃亮西裝深情演唱，讓現場觀眾投入其中。此外，去年由王祖藍、李思捷、阮兆祥主持嘅節目《福祿壽訓練學院》旨在發掘新一代「扮野王」，呢次馬來西亞演唱會上，三人帶「學員」梁山山及陳柏曦同台演出，梁山山模仿張學友、譚詠麟、古巨基，無論係唱腔定係神態都跟神似本尊，而陳柏曦就模仿林峯、劉德華、譚詠麟、黎明及郭富城，兩位新一代「扮野王」實力不容小覷。