姜河那為主播角色費盡心思 挑戰長篇對白加插即興演出

韓國男演員姜河那聯同獨立導演出席新戲發布會。姜河那首次真正一個人擔大旗演出，事關新戲講述直播主播，為求呃like ，不顧後果涉足罪案嘅故事。形象百變嘅姜河那呢次一改正氣陽光嘅路線，挑戰市井之徒嘅風格。
姜河那聯同獨立導演出席新戲發布會。
姜河那透露拍攝時為咗投入角色，台前幕後花左唔少功夫，令角色喺唔虛張聲勢下又帶點不同；姜河那喺新戲為博粉絲支持，佢飾演探險系主播，唱歌跳舞、查案起底、甚至追蹤兇手由佢一手包辦，所有對白台詞都要靠自己講晒。
姜河那
姜河那仲要諗埋即興演出，佢話當時第一次拍一口氣嘅對白鏡頭，但當佢講完台詞後，就覺得無開直播感覺，所以同導演商量之後，導演都覺得佢可以加入一啲自然嘅對白。