蔡一傑去年開刀切腦瘤逐步康復 出動賀修哥生日再做Gym積極鍛鍊

蔡一傑 去年突然缺席草蜢嘅美國巡迴演唱會，當時成員 蔡一智 同 蘇志威 指傑仔因病無奈缺席，而之後傑仔竟突然公開自己係因為腦瘤問題而需開刀施手術，令外界大為驚訝。

傑仔去年突然公開因腦瘤而需入院開刀接受手術
傑仔當時公開嘅相片可見，整個後腦一個巨大孤形縫合傷口，佢亦指好快就會再同大家公開見面。之後佢不時更新社交平台，聖誕、新年都有出Post送祝福，1月初又同修哥 胡楓 慶祝生日，當時間精神非常唔錯，仲齊齊為修哥嘅平台拍片。
經過數月休養，傑仔公開做Gym操練片段，康復進度相信非常良好

到2月初傑仔58歲生日，佢亦再次捧住蛋糕公開精神十足嘅近照，亦獲唔少Fans送上祝賀。到近日傑仔再次更新社交平台，今次更係於健身室操腳，傑仔仲可以戴住口罩再拎手機邊聽音樂邊自拍，體能狀態非常唔錯，相信好快就可以再踏舞台，繼續同大家勁跳勁唱喇。