黃紫恩被拍膊頭宣傳冇人追呻慘 為節目藐嘴搲鼻女神爭住要

Jojo 黃紫恩 每個星期喺《直播靈接觸》同大家分享靈異奇事，早前仲直飛韓國同台灣了解當地嘅唔同神怪另類文化。除咗主持之外，Jojoy近日又參與《愛．回家》拍攝，仲以泳裝示人，不過唔少網友就起哄話希望見到佢著三點式多啲喇。

Jojo早前為《愛．回家》冒寒著泳裝拍攝
過往Jojo曾參與《不正常愛情研究所》、《冇人性教育》同《CP訓練營》等節目，大方討論性事態度被封為TVB新一代性女，Jojo更與狐仙上契增強異性緣。
早前佢提名過自己同狐仙上契，指有助增強異性緣

不過近日佢嘅老友 梁敏巧 提出，希望Jojo為正接受報名嘅《女神配對計劃》呼籲男士踴躍參與時，Jojo就竟然藐晒嘴咁話，要呼籲都係叫大家追自己先咁話，直道幕後提醒佢先即時變身字正腔圓叫大家報名。
Maggie出動叫Jojo幫手呼籲男士報名

雖然影片得啖笑，不過唔少女士都大讚Jojo真誠又可愛，好似有份參與節目嘅 李芷晴 梁敏巧 港姐 黃嘉雯 甚至係 暉哥 林映暉 ，都齊齊話要追Jojo，而Jojo仲搞笑回覆話冇人排隊，可以俾Fast Pass各位咁話。
之後仲話要追咁幫得手嘅Jojo喎

《女神配對計劃》五位唔同風格女神包括 梁敏巧 葉蒨文 關嘉敏 李芷晴 同 羅毓儀 公開徵求另一半，歡迎全球各位男士報名 https://tvb.app.do/gdm2025