張家輝長髮現身港鐵瞌眼瞓 新形網上宣傳引人入勝

張家輝 日前先被網友偶遇，發現佢同太太 關詠荷 現身齊齊嘆拉麵，不過星期六竟又有人發現，一面鬚頭髮長咗唔少嘅佢，竟然一個人搭地鐵瞓著，仲被人擺晒上社交平台，睇真啲打扮同 張家輝 自導自演嘅新作《贖夢》咁似，仲有埋「蔡辛強」呢個名，似乎就係新片嘅直接宣傳方式喇。

上月家輝同太太關詠荷甜蜜拍拖食拉麵

近日就「被發現」搭車瞌眼瞓
呢個帳戶以擬人形式，由家輝扮演嘅男主角 蔡辛強 角度出Post，唔單止回應網友留言，更將瞓唔著同離奇遭遇率先於網上公開，亦可令觀眾更投入故事當中，新片由 家輝 陳法拉 劉俊謙 同 袁富華 等主演，日前電影公司先公佈陳法拉首日參與首場演出就要企跳，而故事充滿懸疑陰沉色彩，3月底就會正式公映。

其實都係新片《贖夢》嘅宣傳，以佢嘅角色與網友互動

仲似乎一直透露住電影中嘅故事內容