周殷廷觀濱開簽唱會400Fans參與 憶人生失意淚下已入紙挑戰紅館

周殷廷YT 嘅School Tour已經先後走訪120多間學校，而為鼓勵應屆DSE會考生，今日YT星期日仲喺觀塘海濱，為一眾即將離校嘅高中同學舉行「離別時刻 Last Day簽唱會」，有近400名Fans到埸支持，YT唱足個半鐘，氣氛熱熾，期間仲同台下歌迷互相感動一同落淚。

YT星期日喺觀濱舉行簽唱會
YT回想數前曾喺旺角同銅鑼灣busking，當時只得10多人圍觀，亦試過被驅趕，而《晨星》呢首歌正正記載自己人生最失意之候，而呢日就有數百位歌迷支持，就令佢特別感動，仲忍唔住掉下男兒淚，台下亦有歌迷感動到一起喊，YT話：「今日成件事好Chill，好似一班朋友嚟玩，希望大家玩得開心。」YT仲主動提議讓歌迷靠近，令大家可以近距離接觸，非常親和。  
吸引數百Fans到場支持

呢日仲設點唱同合唱環節，YT最後以歌曲《離別時刻》壓軸演出，又同所有歌迷大合照，之後逐一送上親筆簽名，入場需知更早註明，YT只於校服簽名，所以歌迷都帶備校服出現，更有歌迷帶住BB支持。
講起失意時仲忍唔住落淚

YT又指選址「觀濱」舉行活動，係因為唔少同學仔嘅意見：「舊年開始去唔同學校School Tour，但未試過搞簽唱會，期間好多同學俾過好多意見，都覺得觀濱係唔錯嘅地方。」佢仲話為自己定下目標，希望可以登上紅館開個唱，已入紙申請，又話對紅館有情義結，因曾欣賞唔少經典歌手演出，所以希望同前輩一樣享受呢個經典舞台。

呢日更有Fans抱住可愛BB到場支持