韓團ZEROBASEONE將各有發展 隊長韓彬坦言不捨分開

由韓國選秀節目出道嘅限定男團ZEROBASEONE，限定活動兩年半，瘋狂打破第五代K-pop新人紀錄，呢日佢哋就為推出嘅第5張迷你專輯舉行showcase，仲帶嚟全新作品嘅舞台。
限定男團ZEROBASEONE呢日為第5張迷你專輯舉行showcase。
出道就快兩年，各位成員都被睇好繼續發展，問到嚟緊有咩計劃，隊長韓彬就透露出不捨之情，仲話佢哋成員之間都成日會傾，因為有fans支持同愛戴，所以佢哋都想將最好最有活力嘅一面帶畀大家，同時亦希望大家有更好嘅發展，可以同fans們一同成長。
ZEROBASEONE仲為大家帶嚟新歌舞台。
成員奎彬近日成為音樂節目嘅固定主持，佢話知道消息後相當開心同期待，亦希望呢次會更有責任感地做得最好，奎彬又指眾成員們都好支持自己，特別係韓彬提醒佢要享受過程。
ZEROBASEONE 成員將各有工作。