韓國YouTuber直播爆料 揭已故金賽綸15歲與金秀賢秘交6年

上月16日喺家中輕生逝世嘅24歲韓國女演員金賽綸，其父近日指控韓國YouTuber李鎮浩係逼死佢女兒嘅兇手，全因對方長期發佈不實影片，令女兒承受巨大精神壓力而先後多次企圖輕生。

金賽綸上月被發現於家中離句，終年僅24歲
而另一Youtube頻道3月10號直播瘋狂爆料，聲稱掌握金賽綸遺屬提供嘅私密文件，指稱金賽綸喺15歲起，就一直與年長12歲嘅金秀賢秘密交往達6年，又指金賽綸因受情傷，選擇喺金秀賢生日當日輕生。
年前佢嘅社交平台突然貼出同金秀賢伕合照，如今被指係希望對方出面聯絡

而另一位自稱係金賽綸嘅阿姨亦都爆料，除咗提到金賽綸同金秀賢嘅拍拖證據，仲解釋金賽綸舊年公開與金秀賢貼面相，係想令金秀賢聯絡自己。佢再指兩人喺2021年分手，於2022年時金賽綸因醉駕，其賠償金7億韓圜(約374萬港元)亦由金秀賢代為支付，當時對方無要求償還，但到2024年時，金賽綸突收到要求償還7億韓圜嘅信件，令尚未復出嘅金賽綸愕然同無助，因此一直想聯絡金秀賢，可惜不得要領。
爆料指金賽綸醉駕後嘅罰款同賠款由金秀賢借出，去年突然被要求還款令佢大有壓力

爆料者公開一張兩人嘅甜蜜親吻合照

於3月11日傍晚，再有多張被指係金賽綸同金秀賢嘅對話截圖及貼面合照被公開，當中更有金秀賢吻向女方面頰嘅甜蜜合照，事件於韓國當地引起極大迴響。

仲話金賽綸只得15歲時就同金秀賢交往，戀情維持6年之久