溫碧霞推出第五本靚相集留倩影 充當才女親自撰文抒發內心世界

溫碧霞Irene Wan主演電影《謊島美人魚》將於復活節上映，忙於宣傳新戲嘅Irene亦同時宣布將於3月底會推出第五本靚相集《Irene Wan Life Style》，令粉絲接下來有雙重享受。為咗配合相集推出，Irene早前到意大利康城影展時，特別整咗輯街拍靚相等粉絲們先睹為快。
溫碧霞
58歲嘅Irene向來有「凍齡女神」之稱，多年嚟無懼年齡障礙保養得宜，平日毫不吝嗇展示美好身材。Irene之前曾經推出過四本相集，嚟到第五本嘅內容會紀錄佢喺世界各地嘅美麗倩影，Irene將過去兩年到訪意大利、西班牙、美國、泰國等地，一啲鏡頭下嘅蹤跡全部紀錄喺呢本相集中，並記下佢嘅理想而走遍世界角落尋找嘅生命意義，隨咗畫面上豐富之外，主題亦好寫實。
溫碧霞將於今個月底推出第五本靚相集。
相集中更會有Irene親自撰文發表內心感受，包括如何看待生活與時尚品味，對堅持初心嘅重視，工作與同事之間嘅友情，當然仲有大眾都好奇嘅如何保養。
溫碧霞為呢本寫真去咗唔少地方。溫碧霞有凍齡女神之稱。