戴祖儀獲應援Cafe慶祝30歲 為低胸相鋸深事業線增食慾

戴祖儀（Joey）不時收到粉絲送畀佢嘅驚喜，每年踏入3月25號，佢生日日子嘅前後，粉絲更會悉心為佢安排慶祝活動。繼舊年搞咗一場應援Cafe慶祝生日後，今年Joey轉字頭踏入30歲嘅日子，粉絲決定再搞多一場應援Cafe，而店內嘅巨型海報更係展現出Joey嘅女人味。

今年Joey轉字頭踏入30歲嘅日子，粉絲決定再搞多一場應援Cafe。

一向鬼馬嘅Joey就率先去店內欣賞兼拍片紀錄。
一向鬼馬嘅Joey就率先去店內欣賞兼拍片紀錄，片中所見嘆美食嘅Joey，抬頭一望見到自己咗低胸巨型相，立即就拎起刀行埋去，好用心喺事業線位置不停鋸，然後好滿足咁欣賞，壽星女話：「事緣小妹就嚟生日，我fans Club真係好有愛心，俾咗個應援Cafe surprise（驚喜）我。喺揀相方面，佢哋真係世一，為咗令大家食慾好啲，我決定鋸深啲！」Joey呢份為大家添食慾嘅行為，相信食客都冇異議。

Joey抬頭一望見到自己咗低胸巨型相。

Joey立即就拎起刀行埋去，好用心喺事業線位置不停鋸。

戴祖儀係有料之人，出席活動時不時完美展現玲瓏浮凸的好身材。