/public/article/images/202209/49e6e93f-fcb8-45bd-8036-5977ad1764cd.jpg)
日本推理小說之神「東野圭吾」嘅伽利略系列最新作，今次再次搵嚟黃金組合「福山雅治x北村一輝」演出，日劇迷等到頸都長，當然好掛住湯川教授嘅魔性笑聲，仲有佢托眼鏡沉思嗰個招牌動作，闊別９年「神探伽俐略」正式回歸，除咗電影版，仲有SP版《禁忌的魔術》！
福山雅治事隔多年再演「湯川學教授」，福山表示演出嗰陣心情十分緊張，他笑言：「很高興湯川學一直存在於自己心中！」湯川嘅刑警好友草薙俊平繼續由北村一輝飾演，還加入新女角草薙部下「牧村朋佳」，搵嚟長腿美少女新木優子飾演女警。
《禁忌的魔術》係日本作家東野圭吾2012年推出短篇推理小說，屬於「伽俐略系列」第8本小說，共有四個短篇，故事取材自單元故事〈猛射〉。故事時間線發生喺《沉默的遊行》四年之前，講述草薙調查一名獨立記者被殺過程中，因為死者房間嘅一條影片引發湯川學濃厚興趣。SP版《禁忌的魔術》將呈現與電影版完全不同嘅氛圍，除咗出現湯川跟草薙之間激烈爭辯，觀眾仲會發現湯川教授鮮為人知嘅神秘一面！《神探伽俐略 禁忌的魔術》myTV SUPER 9月19號上架，記得留意啦！
