羅家英76歲壽宴盧海鵬驚喜現身 紅裙汪明荃小鳥依人

昨日9月23號係羅家英76歲大壽，老婆汪明荃特別為佢設宴慶祝，邀請圈中好友盧海鵬、吳雨、吳麗珠、張本立等到場，阿姐今日在社交平台分享多張合照，留言祝家英哥生日快樂、身體健康，不少藝人留言送上祝福，包括宣萱、官恩娜、余香凝、袁偉豪等。

阿姐噚日身穿蝴蝶結紅色長裙，打扮相當用心，合照時挽著老公羅家英，十分甜蜜，佢哋逐一跟在場賓客拍照，80歲盧海鵬身穿紅色裇衫驚喜現身，鵬哥近年着重做運動鍛鍊身體，精神奕奕，面色紅潤。

到場賀壽仲有漢寶集團創辦人細仔兼TVB藝員張本立，佢雖然係飲食界商人，估計身價逾億，不過佢熱愛客串演出，從來不介意戲份多少，喺圈中結交甚廣。

羅家英與汪明荃於1988年演《穆桂英大戰洪州》時相戀，直到2019年結束20年愛情長跑，近年養尊處優，阿姐熱愛工作之餘，盡量抽時間跟家英哥遊山玩水，生活寫意！