「溜冰女神」馬曉晴為比賽戒口捱餓 型男廚師公開炮製美食秘訣

J2飲食節目《即刻食好西》，逢星期一至五晚上10點，前晚嗰集講「型男廚神」湛錦鈿（Oreo Charm）率領J2ers陳若思（Amber）、吳兆麟（Alan）及陳國麟（Doniven）擔任主持，主題為「邪惡料理」，邀得有「港版石原聰美」之稱嘅22歲前香港花式溜冰代表馬曉晴（Maisy）擔任嘉賓。

Maisy自幼接受花式溜冰訓練，每次進行劇烈練習後，必須大量進食補充體力，惟輕和瘦嘅溜冰運動員才能跳得高、轉得快、動作更優美，故為咗喺賽事發揮最佳水準，必須嚴格管控飲食維持體重，Maisy指訓練期間係一日兩餐：「5點鐘後唔食嘢好辛苦，因為嗰時5點鐘後仲有訓練，除咗冰上訓練、仲有體能同陸地訓練，每晚瞓覺都好肚餓。」雖然Maisy至今仍keep住戒口習慣但Maisy坦言最難抗拒嘅邪惡料理係炸嘢同甜品。

是集Amber「開箱」三款「芝士漢堡扒」即食包，價錢由6.5至30港元一件不等，經過一輪節目指定動作「盲試」，結果竟然由價格至抵嘅即食包成為Maisy最愛。Oreo更公開炮製爆汁漢堡扒四大秘訣，包括肉末加入雞蛋、牛奶、麵包或麵包糠攪拌，及切忌以大火煎煮等。

是集Oreo挑選即食漢堡扒炮製「芝士漢堡雲蛋三文治」，指若想蛋白打出來夠挺身，需要選用低溫雞蛋；製作「雲蛋」效果，則可加幾滴白醋使蛋白更易打發及減少泡沫。

噚晚播出嗰集主題係台式菜，測試即食「肉燥」包，嘉賓係曾喺台灣留學3年嘅本地人氣Youtuber兼歌手嚴政（Wallace），佢自稱「地獄廚神」更喺節目大爆下廚蝦碌事，大談香港及台灣嘅文化差異，密切留意逢周一至五晚上10點喺J2（82台）播出嘅《即刻食好西》。