新城勁爆2022｜炎明熹曾比特各擸兩獎 同奪突破歌手及勁爆歌曲

《新城勁爆頒獎禮2022》進行如火如荼，陸續揭曉各獎項花落誰家，炎明熹同曾比特奪得「勁爆突破歌手」，炎明熹憑《焰》攞「勁爆歌曲」、曾比特嘅《我以為》同獲「勁爆歌曲」，炎明熹同曾比特喺台上分別唱出《愛情陷阱》、《初戀》、《焰》、《我以為》等，而After Class成員亦上台一齊唱出「勁爆新人」歌曲《Not Givin' Up》。

曾比特多謝屋企人喺佢音樂路上無條件支持，亦多謝歌唱老師不斷鼓勵，令佢達成做歌手嘅夢想；炎明熹聽完曾比特講得獎感言，即笑言自己冇咁多嘢講添，之後佢先多謝新城、多謝公司TVB，佢覺得呢一年成長咗好多，有時經歷挫折、有時經歷好事，感謝fans一直以嚟支持同鼓勵！