沈月去睇BLACKPINK演唱會 騷後曬同ROSÉ頭貼頭合照

韓國人氣女團BLACKPINK嚟香港開騷，吸引咗唔少圈中人去朝聖，就連最靚嘅星二代、邱淑貞同沈嘉偉知大女沈月AYLA亦都有去捧場。但原來沈月同BLACKPINK成員ROSÉ係朋友嚟！沈月睇完騷之後，仲去咗同ROSÉ見面兼合照，真係葡萄死人呀！

原來呢晚沈月係同韓國燒酒品牌KHEE嘅創辦人Eva Chow一齊去睇騷，沈月將同ROSÉ嘅合照post咗上社交網站，除咗有佢哋頭貼頭嘅合照之外，仲有當身ROSÉ對鏡頭畀V手勢嘅嘟嘴合照，但係最特別嘅都係喺演唱會上，當ROSÉ喺台上見到台下嘅沈月時，即時驚喜到叫咗出嚟，之後仲又揮手又飛吻咁，相信唔少BLINK羨慕同妒忌喇！