《紙皮婆婆》劇本權益惹糾紛 任俠開炮恕轟天下一律師信應赤口

入選2018年台北金馬電創投會議嘅《紙皮婆婆》劇本權益引發糾紛，撰寫第一版劇本嘅編劇任俠，年初二透過 香港電影編劇權益聯盟 發炮怒轟製作公司 天下一電影 喺處理編劇費、編劇合約同喺「金馬創投百萬首獎」嘅獎金分配上「嚴重不公」，要求同 古天樂 對話交涉。

聯盟喺文章當中指天下一同劇本另一編劇舒琪黑箱作業處理獎金同合約等問題。不過大年初三赤口下午，天下一就發出律師信澄清當中任俠同編劇所指嘅「問題」，亦公開過往電郵釐清爭議，當中公說公有理，似乎真係要雙方慢慢坐低傾清楚先得喇。