龔嘉欣男友身份曝光原來係日本籍甜品師 傳好姊妹陳凱琳拉紅線

33歲龔嘉欣早前暗示有男友，不排除做兔年新娘，日前龔嘉欣疑與紅衣男結伴到好姊妹陳凱琳家中拜年，男友身份曝光，被揭係日籍甜品師松岡哲也！

松岡哲也曾係圈中人，據知松岡哲也於九州長崎長大，18歲開始學整甜品，花6年時間鑽研蛋糕及和菓子，24歲那年到東京做模特兒，5年間曾拍攝多個平面廣告及電視廣告，試過喺時裝展覽行Catwalk，佢一直未有放棄開蛋糕店呢個夢想，不時為朋友整甜品。

松岡哲於29歲那時有次跟隨大隊到香港行騷，識咗幾位打算開蛋糕店嘅日本朋友，2011年毅然來港發展，由模特兒變成甜品師，有指龔嘉欣男友松岡哲也目前於尖沙咀K11 Art Mall及銅鑼灣SOGO經營兩間蛋糕店，龔嘉欣有幫手打理店舖，更落力為店舖宣傳。

據知龔嘉欣與松岡哲也拍拖兩年，雙方感情穩定，現時已同居，傳陳凱琳曾跟松岡哲也學整蛋糕而認識，繼而將其介紹畀老友龔嘉欣。