陳凱琳33歲生日與老公放閃 感謝所有對自己友善嘅人

6月23號係 陳凱琳Grace 嘅33歲生日，呢日佢喺社交平台post出同老公 鄭嘉穎 去旅行嘅片，片中兩人當然少不免曬恩愛啦！先係Grace圍住老公索吻求抱抱，之後鄭嘉穎亦展示自己強勁嘅臂彎，輕輕鬆鬆抱起Grace外，仲將對方拋高高，又作狀要將對方拋落湖，總之條片就係甜到人牙骹發酸。
鄭嘉穎顯示自己嘅老公力。
相比起甜到漏嘅放閃片，Grace嘅帖文就感性得多，佢以英文寫道自己已經正式踏入33歲，而今年自己比以往任何時刻，更意識到重視同欣賞每個人獨特性嘅重要，同時亦希望喺彼此嘅差異中搵到和諧，而唔係試圖令每個人都適應同一個模式。
嘉穎作狀要拋老婆落湖。
Grace表示自己今年嘅生日願望好簡單，就係：「善待他人，善待自己。 ❤️」同時佢亦感謝所有對自己友善嘅人：「Thank you to everyone who has ever been kind to me especially in a time of hardships and tears. You mean the world to me 🙏」
兩公婆相當甜蜜。Grace 33歲生日。