「大公主」準靚媽七月生得！連詩雅生日好閨密黃翠如陳自瑤提早慶祝好窩心

不經不覺，連詩雅（Shiga）已經佗B逾八個月，預產期將於七月中。將於6月29日生日的她，特別獲好閨密黃翠如、陳自瑤提早慶生，有蛋糕仲有鮮花，好窩心！

準媽媽Shiga開心在社交平台甫相，感性寫上：「謝謝你哋每一年多忙都會同我慶祝，轉轉眼已經好幾年，我哋都看着大家不同的改變，一直都互相勉勵，好感恩，現在我都要做媽咪啦，看啦真的唔認老唔得，不過你哋都可以繼續寵我嘅。」

好姊妹翠如則留言：「真係大個女啦，祝大公主和小公主都一直健康幸福快樂。」最搞笑是天后阿Kay謝安琪：「今次我有睇清楚㗎啦！Happy birthday dear Shiga！祝你所有願望都成真，日日開開心心。」

圖片來源：連詩雅IG

大公主生日快樂!好閨密!準媽媽生日快樂!好窩心!