連詩雅臨盆進入倒數階段 孖同期懷孕好姊妹影孕照

準靚媽媽連詩雅（Shiga）眨吓眼，下個月就要同老公陳家樂迎接女兒Camila出世。Shiga臨盆在即，把握時間陀住個大肚相約朋友見面，順便影相紀錄呢個人生重要時刻。

連詩雅咁啱同識咗20年嘅姊妹群其中一個成員，同時懷孕大家都係女。

Shiga喺社交平台分享咗多咗幸福靚相，當中一張係同另一位孕媽媽合照，原來佢咁啱同識咗20年嘅姊妹群其中一個成員，同時懷孕大家都係女，Shiga笑指佢哋連BB個名都係爭幾個字，Camila同Mila，Shiga覺得呢個係一個好得意嘅緣份。Shiga為臨盆做足迎接準備，兼且多謝大家送畀佢嘅祝福。
連詩雅陀B後手腳仍然纖瘦，預產期是7月。連詩雅15歲時開始當模特兒，於2010年正式出道，入行14年一直身形弗到爆，更多次被老公陳家樂嫌太瘦。

連詩雅與老公陳家樂結婚半年左右便造人成功。連詩雅榮升陳太不久就火速「造人」成功，黃翠如同陳自瑤非常戥好姊妹開心。