陳自瑤黃翠如提早為閨蜜慶祝36歲生日 準媽咪連詩雅感謝好姊妹陪伴互相勉勵

連詩雅（Shiga）同陳家樂快將迎接小生命嘅誕生，Shiga早前宣布陀小公主Camila，預產期為7月底，Shiga聽日6月29號三十六歲生日，陳自瑤（阿Yo）同黃翠如一向同Shiga係圈中出晒名嘅好姊妹，佢哋提前同壽星女慶祝。

Shiga6月29號三十六歲生日，陳自瑤同黃翠如提前同壽星女慶祝。

壽星女Shiga好感謝阿Yo同翠如每一年幾忙都抽時間陪伴，轉眼間已好幾年，睇住大家唔同改變，一直互相勉勵好感恩，準媽咪Shiga笑指真係唔認老唔得，不過好姊妹可以繼續寵佢。

準媽咪Shiga笑指真係唔認老唔得，不過好姊妹可以繼續寵佢。

片中見阿Yo同翠如為Shiga準備咗一束鮮花同靚蛋糕，蛋糕上面嘅生日牌更寫上「Princess Shiga」，而阿Yo同翠如亦一起唱生日快樂歌，充滿真摯祝福，令壽星女Shiga非常開心。
阿Yo同翠如為Shiga準備咗一束鮮花同靚蛋糕，蛋糕上面嘅生日牌更寫上「Princess Shiga」。

連詩雅同老公陳家樂快將迎接小生命嘅誕生。Shiga早前宣布陀小公主Camila，預產期為7月底。