林夏薇37歲生日開船P 林峯胡定欣水著現身

生日快樂！6.30係林夏薇嘅37歲生日，圈中人緣極好嘅薇薇，日前就開咗個船P慶祝生日，原來呢次船P係薇薇老公莫贊生籌備嘅，除咗邀請咗胡定欣、林子善夫婦、趙希洛、徐榮、黃祥興等人上船外，連呢排好hit嘅陳洛軍aka林夏薇堂哥林峯都有到場。

薇薇喺社交平台貼出眾人嘅船P照同玩香蕉船嘅片，並且留言表示：「熱愛工作，也想好好平衡生活，忙足半年，就趁生日給自己叉下電，好好跟最愛家人同朋友黏在一起💓💓💓」薇薇仲喺hashtag度多謝老公超貼心咁幫佢安排呢次生日船P，又指眾親友聚埋一齊就係佢最好嘅生日禮物。

佢哋由朝玩到晚，船P過後就係成班人聚埋一齊食生日飯，當中蕭正楠、黃翠如、陳山聰夫婦、劉愷威等亦加入夜晚嘅生日飯大軍，薇薇喺帖文中表示：「還是這群人…懂我奇奇怪怪，陪我可可愛愛地又長大了一歲🤣🎂❤️！」