朱千雪36歲生日食雪糕慶祝 新紮人母身兼多職做Super Mum

近年轉投法律界同時兼任大學講師嘅「民選港姐」 朱千雪 5月升任為人母，公開BB腳仔相，早前又Post出坐完月後出關扮靚嘆美食嘅影片，而6月28號踏入36歲嘅佢，亦簡單Post出蛋糕相同食雪糕相片，平靜度過成為人母後首個生日。

千雪減少幕前演出後兼讀碩士同博士課程，2020年正式成為大律師，負責唔同民事同刑事訴訟。雖然工作繁重，不過自2022年起亦分別為港大同中大課程擔任講師，19年同青梅竹馬男友成婚後似乎比喺演藝圈更忙。

不過千雪兼任教學同法律事務嘅同時，今年元旦向外宣佈懷孕，5月中旬更報喜宣佈分娩誕子，正式加入Super Mum行列。