譚輝智謀薦親友參加《中聲3》爆妹妹實力高 周吉佩為乖女邀Archie賀生辰

譚輝智 （FC）呢日為一個歌唱比賽擔任嘉賓，同場仲見到 李泇霖 同 Kellyjackie ，而 周吉佩 亦都有現身為自己嘅學生打氣。身為《中聲2》人氣王嘅FC，連關嘉敏都要扮佢，而新一輯《中年好聲音3》近日正接受報名，FC就話上屆已經叫爸爸一齊參加，仲話有叫多位親友報名參加，又爆細妹比自己更熱愛唱歌，歌喉更好呀。

工作多籮籮嘅佢，暑假已經安排好同家人出遊，帶埋兩位小朋友去新加坡玩幾日。而另一位爸爸吉吉，亦正籌備為囡囡慶祝生日，阿女沉迷冼靖峰（Archie），吉吉想邀Archie出席生日派對，認真係廿四孝Daddy呀！