黃洛妍拍完《麻雀樂團》即與100位歌迷食麻辣預祝生日 冼靖峰趙小婷到賀獻唱

有「大魔王」之稱嘅《聲夢傳奇2》亞軍黃洛妍（Janees），嚟緊6月26號二十七歲生日，一班「妍究生」（粉絲䁥稱）知道 Janees 愛食辣，今年生日會100位「妍究生」喺尖沙咀一間食麻辣出名嘅餐廳為即將生日嘅Janees舉行生日會。

黃洛妍與嘉賓切蛋糕。

胞妹黃千如（Jasmine）、《聲夢》冼靖峰（Archie）及趙小婷（Pamela），與最近一同拍電視劇《麻雀樂團》嘅梁荺苓（Winter）、郭子健 （Samuel）、陳皓雲（Howard），與「妍究生」一同為Janees慶祝生日。

黃洛妍與冼靖峰合唱。

Janees與琴手Justin及「麻雀樂團」琴友Howard及Samuel，以弦樂三重奏加鋼琴，打開音樂會序幕後，首次現場演唱劇集《命轉皇后》主題曲《我的天下》。隨後Janees更以鋼琴自彈自唱 《You Raise Me Up》 十分驚喜。原來Janees之前並唔識彈鋼琴，但為讓「妍究生」驚喜，雖然近日工作十分忙碌，抽時間苦練就係為咗畀妍究生驚喜，十分寵粉。

黃洛妍與妹妹黃千如。

之後Janees再跟好友Archie及Pamela，獨唱及合唱多首歌曲。原來妹妹Jasmine也係唱得之人，為咗同姐姐慶祝生日，上台為Janees獻唱並與Janees合唱《Beauty and the Beast》 等歌曲，讓「妍究生」大飽耳福。Janees邀請梁荺苓、Samuel同Howard 上台 ，分享拍劇「麻雀樂團」趣事，以及因拍劇變成好友經過。

今年生日會100位「妍究生」喺尖沙咀一間食麻辣出名嘅餐廳為即將生日嘅Janees舉行生日會。

Janees近排因為拍劇，再加上其他方面嘅工作好忙，比較少機會同粉絲聚會及見面：「趁着生日，想和我的妍究生傾傾偈、唱唱歌。記得上年我的生日會在一個很大的地方舉行，雖然很多人很高興熱鬧，但另一方面跟每位粉絲和嘉賓接觸的時間實在少。所以今年特意安排一個比較小型的生日會，希望能夠和粉絲和嘉賓更加近距離交流，亦可以為大家多唱一些歌。」

《聲夢》冼靖峰到賀！

Janees今年工作排得滿滿，還以為今年冇時間同粉絲們過生日：「幸好上周煞科《麻雀樂團》，其實我兩星期前就為大家準備驚喜，苦練了兩星期鋼琴自彈自唱。多謝後援會不辭勞苦日以繼夜，用短短一星期時間就籌備好今天的生日會。我會繼續努力唱多啲好歌，用小提琴拉多啲靚歌送畀大家。大家最關心的新歌方面我自己也很心急，希望可以盡快派台。」