72歲李龍基與36歲女友今年內結婚 自爆性生活協調兼冇代溝

72歲李龍基與36歲女友Chris Wong拍拖4年幾，感情穩定，呢段「爺孫戀」今年內拉埋天窗，Chris確係「跟得女友」，李龍基每次開工，以及出席朋友聚會，女友均陪伴在側，出雙入對，今日有報道指李龍基將在今年內迎娶女友，自揭兩人性生活非常協調，完全冇代溝。

李龍基指女友未想公開婚訊，二人婚事亦要問准對方父母意見，禮金及婚期要北上見家長先再決定，李龍基稱佢哋會低調舉行婚禮，冇打算擺酒。

李龍基20年前已喺深圳買樓投資，全靠買內地樓致富，中港兩地有7個物業收租，李龍基非常愛Chris，已將名下7個物業轉到Chris名下，怕日後自己走先一步，女友可以有個保障，而每個單位月租可以收7000幾蚊，佢托賴有能力買幾層樓畀伴侶收租。

Chris與李龍基拍拖後，火速融入李龍基嘅朋友圈，Chris亦經常上載與「阿叻」陳百祥嘅合照，為阿叻畫人像畫，曾發文稱好尊敬叻哥，不時贈畫給李龍基嘅圈中好友。