愛我別走｜子華阿Jan舞台劇首演 Aka捧場心心眼超期待

由破億票房男主角再重返舞台嘅 黃子華 同 林海峰 合演嘅舞台劇《愛我別走》正式公演，呢日唔少圈中人都率先入場欣賞呢部一票難求嘅演出，其中 趙慧珊 仲因為視子華為男神而未入場已經心心眼，仲話一直都非常欣賞子華同阿Jan呀。

咪以為身為圈中人就一定有飛，好似 胡子彤 張蔓莎 林家熙 同 吳肇軒 佢哋就最後關頭先有飛，難惶呢日話特別開心喇。 朱鑑然 呢日都有份欣賞，拍過戲又拍過電影嘅佢，就話希望有機會可以一試舞台劇演出喇。

吳嘉禧 除咗音樂之外，近期仲學埋解夢，仲喺唔同市集為大家解疑難，仲話幫人之餘仲可以幫到自己咁話呀。

今次子華同阿Jan嗁演出備受各界注目，雖然已經舉行動力場演出，不過想買飛依然非常困難，但係呢日佢哋就喺現場宣佈將有加場計劃，詳情大家就要留意官方社交平台公佈喇。