糖妹為言承旭網劇《夏花》唱主題曲 3.8舉行廣州音樂會

糖妹黃山怡為言承旭網劇《夏花》唱主題曲《我的你》，希望透過糖妹深情嘅歌聲，結合歌詞及編曲，帶觀眾走進男女主角呢一段既遺憾卻如夏花般絢爛美好嘅愛情。

《我的你》MV一經上線，熱度持續飆升，並喺香港地區榜一度位居第二位，今次糖妹演繹《我的你》呢首歌曲所呈現嘅曲風及效果，與以往作品大相徑庭，糖妹大量使用氣音，調動內心情緒，將歌詞情感重量軟化成綿，突破過往對作品率性直接嘅演釋方式。而

呢首主題曲由香港音樂人許愿老師作曲及監製，巧妙運用「timeless」呢種冇年代感嘅嘗試，讓歌曲幾乎喺不同編曲下，能套上唔同年代嘅愛情故事。仔細聽就會發現呢首歌聽落既浪漫卻又好催淚。其實MV已透露不少端倪，結合歌詞，交代故事來龍去脈。

糖妹黃山怡最早以「糖兄妹」組合喺香港出道，之後以個人單獨發展，給人一種親切又可愛鄰家小妹嘅感覺，直至去年登上《聲生不息》舞台，唱《我的驕傲》時候，極具爆發力嘅發揮，糖妹因演繹效果及聲線與陳慧嫻有啲相似，曾被稱為「小陳慧嫻」。

糖妹出道15年來參與過唱歌、主持、配音、表演等，糖妹飾演《幕後玩家》嘅「黃汗寒狼急口令」Da姐；喺《法證先鋒Ⅴ》因壓力過大誤殺自己老公而痛哭嘅彭小薇，仲有剛播完嘅《新四十二章》飾演全劇武功最高、表面正氣凜然、實質心狠手辣，外表與實際反差極大嘅古董店老闆娘穆曉嵐，據悉糖妹將於3月8日喺廣州舉行「明天地圖」音樂會，而同名粵語新歌《明天地圖》將喺呢場音樂會首次獻唱，值得期待 !