袁偉豪首次陪張寶兒回鄉 參觀豪門外父捐建小學及幼兒園

袁偉豪早前陪老婆張寶兒及外父外母前住泉州晉江，原來佢第一次跟老婆返福建鄉下，張寶兒稱好耐冇返去，當地儘管係舊街，裡面都極具藝術感，見二人一時去飲咖啡打卡、一時影有型街拍！

此行張寶兒更帶袁偉豪去睇佢爸爸張煌煌與嫲嫲以前喺晉江捐贈嘅雁山中心小學行吓，據知校內有900名小學生；該小學附近有一間「煌煌幼兒園」亦曾受張爸爸捐贈，張寶兒家境富裕，其父張煌煌從事內衣生意，喺中山設有數萬呎廠房，公司員工多達過千人，每年營業額高達數億。

由於張爸爸投資有道，喺香港擁有7個豪宅，袁偉豪同張寶兒於2020年結婚，同年有指張爸爸豪擲4000萬首期，袁偉豪同張寶兒聯名購入清水灣傲瀧一個花園複式單位；袁偉豪自2019年簽約唱片公司，目前派咗兩首歌，佢希望將自己定位為創作歌手，用自己音樂語言，去讓聽眾投入佢嘅故事中。