陳松伶5個月減13kg自信貼近照 搣甩腰間贅肉

陳松伶近年主力喺內地工作，不時拍片及上載近況，陳松伶早前著紅色貼身上衣打拳，不慎令腰間出現肥肉，佢扚起心肝努力減磅，搣甩腰間「幸福肥」，努力咗5個月見效唔錯！

今日松松喺社交平台上載甫士相，見佢自信十足，穿上黑色貼身衫露腰，松松近日不時出post分享自己嘅減肥心得，原來佢好努力做運動，40分鐘內完成5公里，又用「16+8輕斷食」，自己整少油少鹽嘅低脂餐，松松稱用咗5個月成功減咗13kg，睇佢近照笑得咁開心，相信松松都好滿意而家嘅身形。