呂珊被誤傳「死訊」強調身體冇問題 譚嘉荃雙眼面部腫痛仍未康復

呂珊、瑪姬、漢洋及譚嘉荃等呢日擔任李煥明作品展音樂會嘅表演嘉賓，呂珊近期忙於拍劇，呢日佢同劇組請假出席活動。

對於早前傳出「重病入院離世」傳聞，呂珊強調身體冇問題，為怕朋友擔心，佢只好澄清此事，呂珊年尾將開演唱會，佢之後就要籌備歌衫同揀歌等。

譚嘉荃上月與漢洋開完演唱會，譚嘉荃身體抱恙，嚴重到雙眼同面部腫痛，經過一段時間休養，譚嘉荃目前仍在康復階段，今次係演唱會後首次化妝出席公開活動。同場嘅瑪姬笑指最近跟前輩尹光出合唱Rap歌，歌詞唱出中女嫁唔出心聲！