溫碧霞再變《封神榜》妲己 重遇紂王鄭子誠付之言新手遊

因為當年演出《封神榜》而被封為最美妲己嘅 溫碧霞 最近再同紂王 鄭子誠 重遇，合作手遊廣告，再次扮演妖姬妲己亮相手遊，連佢兩位都話係經典回憶返晒嚟呀。

早前Irene專程飛往台北為手遊拍攝廣告，最美妲己即時上身，嫵媚跌膊妖惑紂王，繼續令對方神魂顛倒嘅佢，連現場工作人員同廣告商都驚嘆妖艷動人嘅魅力己非Irene演出莫屬，仲紛紛討論指Irene身型多年都完全冇變呀。

今次妲己同紂王重新相遇，不過經典故事就全面顛覆，劇情全部反轉。禍國殃民嘅妲己變為善良純潔，爲愛赴死；反而係女媧愚弄人類。

今次遊戲開發商邀請原版妲己Irene同紂王 鄭子誠 擔任遊戲代言人﹐Irene亦專程飛到台灣拍攝兩日，廣告將分別喺台灣同香港推出，Irene就笑言：「雖然故事內容同真正嘅封神榜有好大反差，係一個穿越古代嘅故事，拍攝時候感覺好似時光倒流，之前拍《封神榜》係話我霸佔紂王嘅位置，不過今次除咗穿越之外，仲係妲真正愛上佢呀。」

可惜今次廣告一拍完，Irene就要趕飛機飛往內地工作，非常遺憾冇時間同紂王相約食飯鈙舊。