《愛‧回家》池美麗日本幫襯出租男朋友 曾體驗韓國租Oppa導遊服務一對一陪玩陪攝

TVB處境劇《愛‧回家之開心速遞》飾演「池美麗」嘅鍾凱琪 (Kitty)，角色形象相當入屋，雖然佢呢排冇參與該劇演出，但鍾凱琪不時喺IG更新近況，鍾凱琪早前喺社交平台透露曾喺日本同韓國幫襯當地出租男友，跟網民分享是次經驗，令一眾網民好奇，紛紛留言詢問有關出租男友詳情及細節。

「池美麗」鍾凱琪今次喺日本幫襯出租男朋友，消費共花約¥25,000日元 (約港幣$1410)，喺社交平台貼出甜蜜拍拖過程及項目收費 ，原來佢於2018年曾於韓國幫襯出租Oppa。「池美麗」鍾凱琪認為一個人去旅行，有時想加添幾分玩意，單身有好選擇，喺唔同國家均有類似服務，建議大家唔好戴有色眼鏡去看待，有時事情係好單純。

「池美麗」鍾凱琪坦言當年學日文係因為男神山下智久，佢好記得初初學日文時，老師問佢哋學完日文有咩目標，鍾凱琪大大聲講：「要去牛郎店。」因為佢喺動漫及日劇睇到牛郎及出租男友呢個職業實在好特別，令佢好想體驗吓。鍾凱琪直言好難得搵到願意肯上鏡嘅出租男友，二人 體驗浪漫池袋一天遊。鍾凱琪今次出租男友體驗，笑言若果「男友」再靚仔少少，加上年紀大啲會更加好，皆因佢今次感覺有啲似姐姐帶住細佬嘅感覺，始終對方年紀比較小。

鍾凱琪單身多年，希望搵出租男朋友服務，令佢嘅旅程變得多姿多采，佢憶述2018年喺韓國體驗過出租Oppa，當年佢睇到媒體介紹韓國出租oppa導遊服務，一對一陪行街食飯，仲會化身攝影師幫女友影相。

「池美麗」鍾凱琪問起日本搵出租男友嘅客人年齡層，係咪多數都係大媽，對方有啲年輕辣妹都會搵出租男友，相比日、韓兩地租男友經歷，鍾凱琪認為韓國Oppa相對經濟很多，因為韓國Oppa除咗陪伴之外，仲會充當攝影師，幫忙影好多靚相，而且韓國Oppa對旅遊景點相對熟悉，鍾凱琪坦言一個價錢幾種享受。