馬浚偉技癢與聽障選手切磋球技 任聾人羽毛球錦標賽頒獎嘉賓

香港羽毛球公開賽上周末舉行，世界各地好手都來港爭奪錦標，而即將喺11月展開新一次個人演唱會；同時非常熱愛羽毛球嘅 馬浚偉 ，日前亦為 2023全港聾人羽毛球錦標賽擔任頒獎嘉賓，希望為各運動員打氣。

馬仔呢日除咗頒獎之外，亦忍唔住親民落場同參賽運動員現場切磋，馬仔就話非常支持殘疾人士參與唔同運動項目，所以當 香港聾人體育總會 一提出邀請，自己就即刻答應，希望平時推動藝術之餘，更希望社會更加關注同支持殘疾運動員，亦希望政府增撥資源俾所有殘疾運動員，去支援同發展運動。

正準備演唱會嘅馬仔呢日亦落場同其他球員比拼

馬仔話：「殘疾人士擁有嘅權益同我地健聽、健視係平等嘅，，我同聽障運動員打過羽毛球，佢哋打波都唔會用助聽器，但打起嚟好專業，有幾位仲好高水平。我在電台節目又訪問過視障跑手，佢哋唔止跑得快，仲為慈善跑南、北極，所以佢哋同我哋一樣平等，甚至比我們做得更好。」

講到11月嘅演唱會，馬仔就透露門銷情非常理想，仲笑言如果成功加場就搵到個飯盒食吓咁話。