Gigi埋首大學首次考試補場待明年 「張帥」梁柄現身澳門再拍港劇勁親切

早前因為颱風影響而要將首次個唱其中一場延期舉行嘅 炎明熹，事後喺社交平台提到表現仲有唔少改善空間，又對延期同觀眾道歉。呢日Gigi到澳門出席一個電影主題音樂會，仲特別以唔同方法演繹哥哥 張國榮 嘅《今生今世》。

Gigi又提到唔少觀眾都非常關注嘅補場安排，可能要到明年初先有機會進行，而佢亦開始準備大學生活嘅首次考試喇。要同時兼顧學業同繁忙嘅音樂事業，Gigi就話想養寵物陪吓自己，不過問到想養邊類型時，佢就話最緊要係冇毒嘅就OK，因為自己咩動物都鍾意咁話呀。

呢日仲有 泳兒 陳妍希 同幾位內地藝人參與，仲有近日喺《香港人在北京》現身扮演歌手 張帥，已經14年未有喺港劇出現嘅 梁漢文，仲話同大家合作非常有親切感，雖然近年集中內地工作，不過佢就話對再拍劇無任歡迎，只要檔期安排到一定會再同大家見面呀。