34E「重機女神」江江放大招3度攻Arthur 蔡景行貼心行為打動啦啦隊員賴可

 J2 節目今次以約會旅遊實境作賣點嘅節目《浪漫台灣 48 小時》，逢周一至 五晚上8點半J2（82 台）播出。施焯日（Arthur）及蔡景行（行仔）代表香港男生，喺台灣體驗與當地女生約會。共 20集節目中，會有8位不同職業嘅台灣女仔登場，包括職業啦啦隊、健身教練、重機女神網紅、極有個性嘅檳榔西施、登山網紅、 Cosplayer、身材火辣嘅普渡女神及直播成人台女優。 

今晚（27 日）Arthur 女伴換上江江。江江對 Arthur 第一印象不錯。

今晚（27 日）「重機女神」江江同啦啦隊隊員賴可繼續登場，今集Arthur同行仔將會交換女伴約會。Arthur與江江兩位情場「老江湖」正面交鋒，二人首先到台北陽明山秘境花園咖啡廳。一開始Arthur先出招，江江表示想食甜食時，Arthur 一句「你就是甜的」，逗得江江笑逐顏開。之後二人互有攻守，表現勢均力敵。晚上二人繼續喺陽明山夜景餐廳約會，睇夜景食火鍋。

Arthur 帶江江吃火鍋，還細心為對方切牛扒。江江出招「三連挨」，令 Arthur 招架不住。

今次Arthur對於江江連環出招，毫無還擊之力。 Arthur為江江介紹雞尾酒名字，錯把「璀璨蘿莉」諗成「催殘蘿莉」，被逗到笑逐顏開嘅江江乘機一頭挨落Arthur膊頭。之後男方為女方切牛扒及教唱廣東話歌《雞翼歌》 時，江江兩度挨頭兼送like︰「你好讚。」此時Arthur已被台灣女生技術性擊倒。 Arthur事後接受訪問時形容對方為「進攻型情場老手」，佢自認輸咗只有捱打，Arthur直言每次被對方挨落膊頭時，自身戰力即時被遞減。 

行仔初會賴可，二人到打卡餐廳午膳。行仔同賴可在店內打卡。二人展示製成品。

另一邊，行仔帶初次約會嘅賴可到信義區貳樓微風南山店，可以望住台灣地標101進 食，加上設有唔少打卡位，成為台北男女約會必到地方。接住二人一起去學製手作陶藝，行仔一直表現積極，而且好man為賴可扭開顏料罐，順利贏得好感。事後賴可讚行仔健談且有幽默感，直認對方為自己扭開顏料罐一刻「有心動感覺」，今集4位男女會點 評約會對象及評分。 

噚晚（26 日）江江展示 34E 身材兼放大招。Arthur 讚賴可有愛心。

《浪漫台灣 48 小時》逢周一至五晚 8 點半 J2（82 台）播映