鍾采羲(Iris)喺疫情下自我增值,考獲健身及瑜伽教練牌,近日就將興趣化變成事業,與友人合資過百萬開設健身中心,開張當日獲好友林寶玉、許嘉浩等到場支持,Iris更以一身低胸打扮大騷性感身材。
Iris身體力行上陣,自己做導師教班,林寶玉見到對方身形咁fit,立刻舉手話要報堂,而做運動期間,更可以令兩人增進友誼,因為佢哋會互相鼓勵給予動力。Iris仲話喺中心會見到好多朋友,就好似聚會一樣,不過就唔係去飲酒去蒲,反而係做運動更加健康,所以對生活態度都有所改變。
林寶玉辭任經理人職位後,主力做幕前工作及經營網上頻道,喺網上溝通時以普通話作主打,希望開拓華人巿場。
登入後即可查看我的收藏
登入後即可查看瀏覽記錄