炎明熹與韓國歌手金娜英合唱 綵排完最恨放肆食嘢

炎明熹（Gigi）、啤梨（葉文輝）、韓國歌手Sam Kim、Gaho及金娜英等為韓國十月文化節2023「韓劇歌曲音樂會」獻唱，Gigi先唱《擁抱太陽的月亮》插曲改編嘅廣東話版《蜚蜚》，佢仲同金娜英同台合唱《You Are My Everything》。

Gigi透露14歲嗰陣有學過少少韓文，只係識講幾句，今次佢跟金娜英合作係用英語交流，Gigi早前為《新聞女王》演唱片尾曲，佢有認真研究英文歌詞含義，希望唱出歌詞嘅感覺，Gigi笑言自己如果唔做歌手就好想放肆地食嘢，原來Gigi日前綵排完已經去到夜晚9點幾，佢好想食大牌檔有鑊氣嘅嘢，為咗養聲只好忍口。