通靈之王2｜五強賽估命案凶宅 福皓突然情緒不穩

由 梁思浩 帶領 王嘉慧 、陳懿德（ 擔任主持嘅節目《通靈之王2》每集都有緊張情節，今晚（11號）會播出五強淘汰賽，參賽者包括 「玄學大叔」振鴻、「雷電道長」楓燧、「天眼通」四哥、「驅魔術師」法鵬同「靈力練習生」福皓。

今晚嘅五蛋淘汰賽將要參加者搵出凶宅
 
呢個回合會重現上輯經典環節搵凶宅，五強參賽者透過三個單位嘅平面圖同影片，搵出邊個單位係凶宅，仲要估出凶宅曾發生過咩命案。「天眼通」四哥以扶牆感應屋內環境，之後佢鎖定答案話：「摸屏幕感受間屋時，見到個好模糊影像，有個人喺廁所度諗唔開，思維好亂，做咗一啲自己控制唔到嘅嘢。」「驅魔術師」法鵬睇完三個單位嘅短片後竟然話：「三間房裏面都有靈體，有一間問題唔算特別大，有兩間有長駐嘅靈體！」「玄學大叔」振鴻以八字同卜卦計算答案，卜出其中一個單位係全陰卦，更推出單位事主係女性。

單單一張單位平面圖，佢哋又會感應到啲咩呢？
 
「靈力練習生」福皓睇凶宅片段期間突然情緒不穩，眼濕濕話：「睇到係跳樓，一個小妹妹由客窗跳落去。」「雷電道長」楓燧以龜殼同三個銅錢進行卜卦，最離奇係其中一枚銅錢竟然跌咗落地，楓燧話呢個係極罕見現象，佢依卦推測事件涉及一男一女殉情事件，事主嘅命格似足梁山伯同祝英台及《紅樓夢》嘅賈寶玉同林黛玉，兩位大熱對手嘅答案出現重大分歧。

福皓睇單位片段期間有非常大感觸
 
至於聽晚（12號）播出嘅係四強淘汰賽，參賽者會去到元朗深山進行比賽，仲會有位重量級神秘嘉賓驚喜現身，四強參賽者要隔住黑幕測出神秘嘉賓嘅真正身份，有人推測呢位嘉賓曾經演出處境劇《愛．回家》，亦有人推測係80、90年代當紅人物，而且戲路比較偏門。

而聽晚嘅四強戰，參加者就要估到式神敗嘉賽係邊位藝人喇

《通靈之王2》 逢星期一至三晚 22:30 翡翠台